23-24 қазанда М. Айқымбаев атындағы Қазақ карантиндік және зооноздық инфекциялар ғылыми орталығының базасындағы Орталық референттік зертханада (Алматы қ.) Биологиялық және уытты қаруға тыйым салу туралы конвенцияны (БУҚК) енгізуді қолдау тобының жәрдемімен және Германия Федеративті Республикасының қолдауымен БУҚК енгізу және биологиялық қауіпсіздік мәселелері бойынша Орталық Азия мемлекеттері үшін аймақтық семинар өткізілді. Аймақтық семинар БУҚК енгізу мәселелерін ұлттық деңгейде талқылау, сенім шараларын бекіту, биологиялық қауіпсіздік мәселелері бойынша озық тәжірибемен және сарапшы пікірлерімен алмасу мақсатында ұйымдастырылған.

 

Іс-шараның ашылу салтанатында Қазақстан Республикасының Сыртқы істер министрінің орынбасары Е. Ашықбаев, Алматыдағы Германияның бас консулы Й. Розенберг, Іске асыруды қолдау тобының жетекшісінің орынбасары Г. Лампалзер және М. Айқымбаев атындағы Қазақ карантиндік және зооноздық инфекциялардың ғылыми орталығының директоры Т. Ерубаев сөз сөйледі. Семинарға Қырғызстан, Тәжікстан және Өзбекстанның мемлекеттік органдарының (ЕҚЫҰ, ХҒТО, Вертек және т.б.) өкілдері, сонымен қатар, биологиялық қауіпсіздік саласындағы бейіндік ведомстволардан (Денсаулық сақтау, білім және ғылым, ауыл шаруашылығы министрліктері) қазақстандық сарапшылар қатысты. Сонымен қатар, семинарға қатысушылар Алматыдағы Орталық референттік зертхананың жұмысымен танысты.

 

     Қазақстан Республикасы Денсаулық сақтау министрлігі Қоғамдық денсаулық сақтау комитетінің ресми интернет-ресурсына баспасөз-релиз Қазақстан Республикасы және Ресей Федерациясының обаға қарсы күрес ұйымдары мен мекемелері арасындағы серіктестік туралы шарттарды іске асыру аясында шекаралас аймақтар мамандарының кезекті жұмыс отырысы 2018 жылғы 18 қазанда Атырау қ. өтті. Кездесу Атырау обаға қарсы күрес станциясының «Обагер» мәдени-ағарту орталығында өтті. Отырыс бағдарламасына сәйкес, оба және басқа аса қауіпті инфекциялардың трансшекаралық табиғи ошақтарын мониторингілеу, сонымен қатар, екі мемлекеттің обаға қарсы күрес ұйымдарының тәжірибелік жұмысын ұйымдастыру мәселелері қарасытырылды. Отырыстың құрылтайшылары «Микроб» РесҒЗОҚКИ (Саратов қ.), Волгоград ҒЗОҚКИ, Астрахан обаға қарсы күрес станциясы (Ресей) және Атырау ОҚКС. Модератор ретінде ҚР ДСМ«М. Айқымбаев атындағы Қазақ карантиндік және зооноздық инфекциялар ғылыми орталығы» ШЖҚ РМК (Қазақстан) Обаның микробиологиясы және эпизоотологиясы зертханасының меңгерушісі З.Ж. Абдел сөз сөйледі. Ресей аумағында («Микроб» РесҒЗОҚКИ – А.К.Гражданов, Астрахан ОҚКС – В.П. Булычев), Қазақстан аумағында (Атырау ОҚКС – Т.Х. Хамзин) оба және басқа АҚИ бойынша эпизоотикалық жағдай туралы, Ресей (Волгоград ҒЗОҚКИ – Е.В. Молчанова, И.О. Алексейчик) және Қазақстан (Атырау ОҚКС – Е.А. Амиржанов) аумағында арбовирустық инфекцияларының өзекті мәселелері бойынша баяндамалар тыңдалды. Ресейлік серіктестер обаның табиғи ошақтарын электронды паспорттауды картографиялық қамтамасыз ету («Микроб» РесҒЗОҚКИ – А.А.Кузнецов), жылжымалы зертханаларды қолдану («Микроб» РесҒЗОҚКИ – Т.Ю. Красовская) бойынша жұмыс тәжірибесімен бөлісті.

Атырау обаға қарсы күрес станциясы

Басшысы Т.Х. Хамзин, Этот адрес электронной почты защищён от спам-ботов. У вас должен быть включен JavaScript для просмотра.

Телефон 8(7122) 290401

     Ағымдағы жылдың қыркүйек айында Ресей Федерациясының Миасс қаласында биоқауіпсіздікті қамтамасыз ету мәселелеріне арналған халықаралық ғылыми-тәжірибелік конференция өтті. Конференцияға РФ, Қырғызстан, Қазақстан, Австрияның әр түрлі аймақтарынан келген мамандар қатысты. Конференцияда жеке қорғану құралдары, сонымен қатар ресей өндірісінің биоқауіпсіздік шкафтары көрсетілді, заманауи деконтаминация мәселелері талқыланды. ОРЗ қбиоқауіпсіздік жөніндегі маман Г.К. Сарсергалиев баяндама оқыды.

     Орталық референттік зертханаға арналған стандартты операциялық рәсімдерді (СОР) бекіту аяқталу сатысында. Барлық мүдделі министрліктер және ведомстволармен (Ауыл шаруашылығы министрлігі және Білім және ғылым министрлігі) егжей-тегжейлі мәселелер бойынша келісу жұмыстары орындалды. Стандарттар инженерлік қызметтің, ғылыми-зерттеу жұмыстарының, биологиялық қауіпсіздік және биологниялық қорғаныс мәселелерінің барлық аспектілерін қамтиды. Бекітілген СОР тиімділігі келесі кезең – ОРЗ қызметінің барлық саласы бойынша тренингтер өткізу кезеңінде анықталады. 

  

Алматы қаласында Эбола безгегіне күдік тұдырған науқастарды ауруханаға жатқызу және диагностикасын өткізу бойынша ірі ауқымды оқу-жаттығулары өткізілді. Назарға барлық факторлар мен тәуекелдерді ескере отырып, «науқасты» әуежайдан арнайы қызметтердің қарсы алуымен қоса, басқалардан оқшаулау, жол полициясы қызметкерлерінің сүйемелдеуімен арнайы көлікпен қалалық жұқпалы аурулар ауруханасына шұғыл тасымалдау сияқты барлық іс-шаралар шындыққа жақын жағдайларда атқарылды. Жұқпалы аурулар ауруханасына дереу келген төтенше дабылға Қазақ карантиндік және зооноздық инфекциялар ғылыми орталығының ғылыми қызметкерлері Нұрмаханов T. және Мукашев Н. жедел тұрде келді. Мамандандырылған күзет сүйемелдеуімен, қатаң биоқауіпсіздік шараларды ескере отырып, аса қауіпті инфекциясына күдік тұдырған науқастан алынған материал ғылыми орталықтың зертханасына зерттеуге жеткізілді.